РЕСПУБЛИКАНСКАЯ АКЦИЯ "ЖЫВУ Ў БЕЛАРУСІ І ТЫМ ГАНАРУСЯ"
Раённы этап рэспубліканскага конкурсу фотаздымкаў «Краіна мая дарагая»
1. Агульныя палажэнні
1.1. Раённы этап рэспубліканскага конкурсу фотаздымкаў «Краіна мая дарагая» (далей – конкурс) праводзіцца з мэтай прыцягнення моладзі да вывучэння гісторыі, культуры, прыроды населенага пункта, рэгіёна, краіны, пашырэння і паглыблення іх інтэлектуальных і пазнавальных магчымасцей.
1.2. Асноўнымі задачамі конкурсу з’яўляюцца:
выяўленне і заахвочванне таленавітых дзяцей і падлеткаў, прадстаўленне дадатковых магчымасцей для іх самарэалізацыі;
папулярызацыя фотамастацтва сярод дзяцей і моладзі;
эстэтычнае выхаванне і фармiраванне мастацкага густу.
1.3. Арганізатарам конкурсу з’яўляецца упраўленне адукацыі Мінаблвыканкама.
1.4. Да ўдзелу ў конкурсе запрашаюцца навучэнцы ўстаноў адукацыі Мінскай вобласці і моладзь. Узрост удзельнікаў: ад 6 гадоў да 31 года ўключна.
1.5. Конкурс адбываецца па наступных намінацыях:
«Беларусь сінявокая»;
«Дзівоснае побач»;
«Беларусь у фармаце 3D»;
«Навуковае фота».
1.6. У кожнай намінацыі работы будуць разглядацца ў трох узроставых катэгорыях:
з 6 да 11 гадоў уключна;
з 12 да 15 гадоў уключна;
з 16 да 31 года ўключна.
1.7. Журы конкурсу:
ацэньвае работы удзельнікаў конкурсу;
захоўвае за сабой права размеркавання колькасці прызавых месцаў ў намінацыях;
вызначае пераможцаў;
1.9. Рашэнні журы конкурсу прымаюцца на паседжаннях шляхам адкрытага галасавання і афармляюцца пратаколамі. Журы конкурсу мае права прымаць рашэнне, калі на паседжанні прысутнічае не менш за 2/3 зацверджанага саставу журы. Рашэнне журы конкурсу лічыцца прынятым, калі за яго прагаласавала больш паловы прысутнічаючых на паседжанні членаў журы конкурсу.
- Патрабаванні да ўдзельнікаў конкурсу і конкурсных работаў
2.1. Конкурс праводзіцца па наступных намінацыях:
«Беларусь сінявокая» –– сельскі і гарадскі пейзажы, рэкі і азёры;
«Дзівоснае побач» –– раслінны і жывёльны свет Беларусі;
«Беларусь у фармаце 3D» –– стэрэафотаздымкі па наступных тэматыках: сельскі і гарадскі пейзаж, жывёлы Беларусі, помнікі гісторыі і культуры Беларусі;
«Навуковае фота» –– фотаздымкі, зробленыя ў працэсе навуковых даследванняў.
2.2. Патрабаванні да афармлення фотаработ:
Фотаработы павінны быць прадстаўлены ў каляровым ці чорна-белым варыянце на фотапаперы фармату ад 20 да 30 см па доўгаму боку (без паспарту). Дадаткова прадстаўляецца электронны варыянт фотаработ у фармаце JPЕG не менш чым 2000 пікселяў па леваму боку. Работы, якія не адпавядаюць дадзеным патрабаванням, да конкурсу фотаздымкаў не дапускаюцца.
На зваротным баку кожнай фатаграфіі павінны быць наступныя звесткі: назва работы; прозвішча, імя, імя па бацьку аўтара (цалкам); узрост; назва ўстановы з указаннем раёна, вобласці, адраса і нумара тэлефона.
Работы неабходна дасылаць у упакоўцы, якая выключае іх пашкоджанне. За пашкоджанне здымкаў пры перасылцы арганізатары адказнасці не нясуць.
2.3. Колькасць работ, якія прадстаўляюцца на конкурс фотаздымкаў адным аўтарам – да шасці. У выпадку, калі будуць адабраны некалькі фатаграфій аднаго аўтара, узнагароджваецца толькі адна работа, якая атрымала найвышэйшую адзнаку.
3. Умовы правядзення конкурсу
3.1. Конкурс адбываецца ў 2 этапы:
1 этап – раённы (гарадскі) з 10 мая па 25 жніўня 2016 года;
3.2. Для ўдзелу ў раённым этапе конкурсу неабходна накіраваць заяўку на удзел да 20 жніўня 2016 года, конкурсныя работы, друкаваную заяўку да 2 верасня 2016 года у аддзел адукацыі, спорту і турызму Капыльскага райвыканкама.
3.3. Фотаработы ацэньваюцца па наступных крытэрыях:
арыгінальнасць сюжэту;
мастацкае адлюстраванне і раскрыццё тэмы пры дапамозе фатаграфіі;
кампазіцыйная завершанасць;
тэхнічная якасць фотаздымка.
3.4. Апеляцыі на рашэнні аргкамітэта і журы конкурса не прымаюцца і не разглядаюцца.
3.5. Пераможцы конкурсу ўзнагароджваюцца дыпломамі I, II, III ступені ўпраўлення адукацыі Мінаблвыканкама.
ПАРАДАК ПРАВЯДЗЕННЯ
раённага этапу рэспубліканскага конкурсу творчых работ «Радзімы спадчына – мой гонар»
1. Агульныя палажэнні
1.1. Раённы этап рэспубліканскага конкурсу творчых работ «Радзімы спадчына – мой гонар» (далей – конкурс) праводзіцца з мэтай фарміравання гістарычнай свядомасці і высокай культуры навучэнцаў.
1.2. Асноўнымі задачамі конкурсу з’яўляюцца:
далучэнне дзяцей і моладзі да пошукавай дзейнасці, накіраванай на даследаванне культурных традыцый роднага краю, жыццёвага і творчага шляху вядомых людзей малой радзімы;
папулярызацыя імёнаў славутых землякоў сродкамі даследчай і мастацкай дзейнасці;
садзейнічанне зберажэнню культурнай спадчыны і народных традыцый.
1.3. Арганізатарам конкурсу з’яўляецца упраўленне адукацыі Мінаблвыканкама.
1.4. Да ўдзелу ў конкурсе запрашаюцца навучэнцы, калектывы навучэнцаў ўстаноў адукацыі Мінскай вобласці.
1.5. Конкурс праводзіцца па наступных намінацыях: «Скарбніца традыцый маіх дзядоў» (калектыўная) і «Жывая крыніца талентаў роднага краю» (індывідуальная).
1.6. Для правядзення конкурсу фарміруецца састаў журы:
ацэньвае работы удзельнікаў конкурсу;
захоўвае за сабой права размеркавання колькасці прызавых месцаў ў намінацыях;
вызначае пераможцаў;
уносіць у Аргкамітэт прапановы па ўдасканальванню арганізацыі, павышэнню метадычнага ўзроўню конкурсу, ліквідацыі выяўленых недахопаў.
1.9. Рашэнні журы конкурсу прымаюцца на паседжаннях шляхам адкрытага галасавання і афармляюцца пратаколамі. Журы конкурсу мае права прымаць рашэнне, калі на паседжанні прысутнічае не менш за 2/3 зацверджанага саставу журы. Рашэнне журы конкурсу лічыцца прынятым, калі за яго прагаласавала больш паловы прысутнічаючых на паседжанні членаў журы конкурсу.
2. Патрабаванні да ўдзельнікаў конкурсу і конкурсных работаў
2.1. Конкурс праводзіцца па наступных намінацыях:
У намінацыі «Скарбніца традыцый маіх дзядоў» прадстаўляюцца даследчыя матэрыялы аб традыцыях і абрадах беларускай культуры роднага краю аўтара, у якія ўваходзяць:
звесткі аб малой радзіме, гістарычных і культурных асаблівасцях краю;
матэрыялы аб народных традыцыях і звычаях роднага краю:
вусная народная творчасць (казкі, фальклорная проза, быліны, легенды і г.д.);
выканальніцкае мастацтва (песеннае, танцавальнае, музычна-інструментальнае, тэатральнае мастацтва);
святочна-абрадавая культура (святы, абрады, рытуалы, культы);
тэхніка і тэхналогія вырабу (рамествы, музычныя інструменты, народны касцюм, традыцыйная кухня);
выпіскі з пісьмовых крыніц, тэксты ўспамінаў, фотаздымкі;
прапановы аўтара работы па выкарыстанні звестак, атрыманых у ходзе даследавання, з мэтай фарміравання нацыянальнай самасвядомасці і адраджэння духоўнай культуры.
У намінацыі «Жывая крыніца талентаў роднага краю» прадстаўляюцца:
відэаматэрыял (інтэрв’ю, відэасюжэт) аб дзейнасці земляка – сучаснага дзеяча беларускай культуры;
тэкставая анатацыя, якая змяшчае кароткія звесткі аб аўтары работы і славутым земляку.
Пры падрыхтоўцы відэаматэрыялу аўтар выступае ў ролі рэжысёра, аператара, сцэнарыста або карэспандэнта.
2.2. Патрабаванні да відэаматэрыялу: працягласць – да 5 хвілін, тэхнічныя параметры: формат – avi, mpg, або wmv.
2.3. Конкурсныя работы павінны мець тытульныя старонкі на дзвюх мовах (рускай і беларускай) з пазначэннем вобласці, раёна/горада, установы адукацыі, назвы работы, інфармацыяй аб аўтары работы (прозвішча, імя, імя па бацьку, клас/аб’яднанне па інтарэсах) і аб кіраўніку/кіраўніках (прозвішча, імя, імя па бацьку, пасада), а таксама нумары кантактных тэлефонаў.
3. Умовы правядзення конкурсу
3.1. Конкурс адбываецца ў 2 этапы:
1 этап – раённы (гарадскі) з 10 мая па 25 жніўня 2016 года;
3.2. Для ўдзелу ў раённым этапе конкурсу неабходна накіраваць конкурсныя работы і заяўку на удзел у друкаваным і электронным (на электронным носьбіце) выглядзе да 25 жніўня 2016 года у аддзел адукацыі, спорту і турызму Капыльскага райвыканкама.
3.3. Работы ацэньваюцца па наступных крытэрыях:
адпаведнасць умовам конкурсу;
даследчый характар работы, навуковасць;
змястоўнасць, інфармацыйная напоўненасць;
мастацкая прываблівасць, арыгінальнасць падачы матэрыялу;
цэласнасць і завершанасць праэкта;
тэхнічная якасць выканання і афармлення.
